Ölkəmizin U-21 yığması Ayxan Abbasovun rəhbərliyi altında ilk məğlubiyyətini Belarusda aldı.

Gənclər oyuna çox yaxşı başlasalar da, hətta hesabı açsalar da, təxminən 35-ci dəqiqədən sonra yorğunluq hiss olunmağa başladı. Hissənin sonunda məğlub duruma düşən Ayxan Abbasovun komandası 2-ci ikinci hissədə daha bir qol buraxdı.

Bəs nə oldu ki, 35 dəqiqə yaxşı oyun göstərən qəfil çökdü, yorğun görünməyə başladı? Görək, start heyətində yer alan futbolçular premyer-liqanın son mövsümündə neçə oyuna çıxıb:

Xəyal Fərzullayev - 8 oyun
Rüfət Abbasov – 36 oyun
Emin Rüstəmov - 12 oyun
Murad Məmmədov - 16 oyun
Ağadadaş Salyanski – 18 oyun
Edqar Adilxanov – 28 oyun
Oruc Məmmədov - 14 oyun
Nihad Əhmədzadə - 15 oyun
Ayxan Süleymanlı 23 oyun

Emil Süleymanovla Raul Məmmədov elitada çıxış etmədikləri üçün göstəricilərinə baxmaq mümkün olmasa da, qalan doqquz futbolçudan yanlız Rüfətin tam mövsümü keçirdiyini demək olar.

Məntiq əsasında mülahizə yürütsək, futbolçuların 35-ci dəqiqədən sonra yatması üçün heç bir əsas yoxdu. Bu başqa məsələ ki, Azərbaycan futbolunda məntiqin heç bir qayda-qanunu işləmir!

MÜZƏFFƏR QULUZADƏ