Norris tənqidləri vecinə almır
“Formula-1” üzrə dünya çempionatında 8-ci mərhələ - Monako “Qran-pri”si “Maklaren”in pilotu Lando Norrisin qələbəsi ilə başa çatdı.
Bununla belə, britaniyalı pilot yetərincə çox tənqid olunur. O, tənqid axınına belə reaksiya verib:
“Adamlar istədiyini yaza bilər – bu onların işidi. Ancaq haqqımda yazılanların demək olar ki, heç biri həqiqətə uyğun deyil. Vecimə də deyil, mən və komandam həqiqəti bilirik. Avstraliyada olan sürəti və özünəinamı qaytarmaq üçün son aylarda inadla çalışdım. Həyatım boyunca təsnifat yürüşündə uğurlu olmağa çalışmışam. Bu ilə qədər hər şey yaxşı gedirdi, ancaq indi yenidən temp uğrunda mübarizə aparmağa məcburam”.
“Formula-1” dünyası ilə bağlı başqa maraqlı xəbər də var. Dünya çempionatının ikiqat qalibi, “Aston Martin”in ispaniyalı pilotu Fernando Alonso karyerasında ilk dəfə mövsümün ilk səkkiz yarışnda bir xal da qazanmayıb. Sonuncu – Monako mərhələsində o, 37-ci dövrədə trassdan çıxıb, finişə çata bilməyib. Alonso hazırda şəxsi hesabda 18-ci pillədə qərarlaşıb. Onun komanda yoldaşı – kanadalı Lens Stroll isə 14 xalla 11-ci yerdədi.
Digər xəbərlər
