“Bura gəlməklə doğru addım atmışam” – “Şəfa”nın baş məşqçisi Qurban Qurbanovdan nə öyrəndi?
2-ci liqada ikinci yeri tutmaqla 1-ci liqaya yüksələn “Şəfa” inkişaf yönündə addımlar atmaqda davam edir. Komandanın baş məşqçisi Elgiz Kərəmli və köməkçisi Zamir Həsənov bir həftə “Qarabağ”ın düşərgəsində olub, Qurban Qurbanovun yanında praktik təlim keçib.
“Football-plus.az” bununla bağlı Elgiz bəyin fikrini öyrənib:
“Qarabağ"ın bazasına getmək həm nəzəri, həm praktik bilgi almağa, həm də növbəti mərhələlərə hazırlaşmağa xidmət etdi. Praktika müddətində məşq prosesini yaxından izləmək, məşqçi heyətinin iş bölgüsü, hazırlıq mərhələləri və oyun strategiyalarının formalaşması kimi aspektlər baxımından təcrübə qazandım. Məşqçilərin detallara verdiyi diqqət və hər şeyi sistemə uyğun şəkildə planlaması xüsusilə diqqətimi çəkdi. "Qarabağ"ın daxili mədəniyyəti, işə yanaşma tərzi və nizam-intizamı mənə göstərdi ki, bura gəlməklə doğru addım atmışam”.
MÜZƏFFƏR QULUZADƏ
Digər xəbərlər
