13–20 iyun tarixlərində Macarıstanın paytaxtı Budapeştdə cüdo üzrə böyüklər arasında dünya çempionatı keçiriləcək.

"Football-plus.az" xəbər verir ki, mötəbər turnirdə ölkəmizi 10 çəki dərəcəsində 13 cüdoçu (9 kişi, 4 qadın) fərdi yarışlarda təmsil edəcək.

Milli komandamızın üzvləri performans direktoru, kişilərdən ibarət yığmanın baş məşqçisi Riçard Trautman, böyük məşqçilər Elxan Məmmədov, Elçin İsmayılov, Robert Kravçik və Slavko Tekiç, qadınlardan ibarət yığmanın baş məşqçisi Amina Abdellatif və böyük məşqçi Saşa Herkenrat-Vimarın rəhbərliyi ilə tatamiyə çıxacaqlar.

"Laslo Papp" arenasında keçiriləcək dünya çempionatında fərdi mübarizələr 13–19 iyun tarixlərində, qarışıq komanda yarışı isə 20 iyunda baş tutacaq.

Dünya çempionatına yollanacaq heyət:
Kişilər
-60 kq
Əhməd Yusifov

-66 kq
Ruslan Paşayev

-73 kq
Hidayət Heydərov
Rəşid Məmmədəliyev

-81 kq
Zelim Tçkayev

-90 kq
Elcan Hacıyev
Vüqar Talıbov

-100 kq
Zelim Kotsoyev

+100 kq
Uşanqi Kokauri

Qadınlar
-48 kq
Leyla Əliyeva
Könül Əliyeva

-52 kq
Gültac Məmmədəliyeva

-57 kq
Fidan Əlizadə

Qarışıq komanda yarışı
-70 kq
Aytac Qardaşxanlı
Günel Həsənli