AL-in finalında İngiltərə təmsilçiləri MY və “Tottenhem”in qarşılaşması premyer-liqanın avrokubokların növbəti mövsümündə 8 klubla təmsil olunmasını təmin etmişdi.

"Football-plus.az" xəbər verir ki, qalib komanda 2025/26 mövsümündə Çempionlar Liqasının (ÇL) əsas mərhələsinə vəsiqə qazandı. Başqa sözlə, ÇL-in növbəti mövsümündə İngiltərənin 6 klubu iştirak edəcək.

Daha əvvəl premyer-liqada ilk 5 yeri tutan komandaların cari avrokubok mövsümündə İngiltərənin yüksək əmsal (hazırkı vəziyyətə görə 29,178) toplamasına görə bu turnirdə oynayacağı dəqiqləşmişdi. Hazırda bu mövqelərdə müvafiq olaraq “Liverpul”, “Arsenal”, “Mançester Siti”, “Nyukasl” və “Çelsi” qərar tutub. MY sonuncu tur ərəfəsində premyer-liqanın turnir cədvəlində 16-cı, “Tottenhem” 17-ci yerdədi.

Hər iki komanda ölkə çempionatı vasitəsilə ÇL-ə vəsiqə qazanmaq şansını itirdiyi üçün “Tottenhem” AL-in qalibi kimi ÇL-də oynamaq hüququna yiyələndi. Beləliklə, futbol tarixində ilk dəfə bir ölkə Avropanın ən nüfuzlu klub turnirində 6 komanda ilə təmsil olanacaq!