İngiltərə Çempionlar Liqasının 2025/26 mövsümündə ən azı 5 komanda ilə təmsil olunacaq.

"Football-plus.az" xəbər verir ki, “Arsenal” 1/4 finalın ilk matçında “Real”a 3:0 hesabıyla qalib gəlib. Bununla da İngiltərənin bu mövsüm UEFA-nın əmsallar cədvəlini ən azı ilk 2 yerdə başa vuracağı dəqiqləşib. Yeni qaydalara əsasən, mövsümü reytinqin ilk 2 pilləsində başa vuran ölkələr qarşıdakı mövsüm üçün Çempionlar Liqasında əlavə 1 yer qazanır. Hazırda UEFA-nın reytinq siyahısında 1-ci yeri İngiltərə, sonrakı iki pilləni İtaliya və İspaniya tutur.

Beləliklə, İngiltərə premier-liqasında bu mövsüm 5-ci yeri tutacaq komanda da yeni mövsümdə Çempionlar Liqasının Liqa mərhələsində birbaşa iştirak hüququ əldə edəcək.

Hazırda premyer-liqanın ilk pilləsində vəziyyət belədi: “Liverpul” (73 xal), “Arsenal” (62), “Nottingem Forest” (57), “Çelsi”, “Nyukasl” (53).