“Şamaxı” Misli premyer-liqasının 36-cı turunda “Qarabağ”a məğlub oldu - 0:1.
“Football-plus.az” xəbər verir ki, oyundansonra keçirilən mətbuat konfransında meydan sahiblərinin baş məşqçisi Ayxan Abbasov görüş haqda fikirlərini bildirib:
- “Qarabağ”ı təbrik edirəm. Çempionlat Liqasında uğurlar arzu edirəm. Azarkeşlərimizə təşəkkür edirəm. Çempionat bitdi. Son oyunlarda məğlub olsaq da, azarkeşlərin dəstəkləməsi bizi sevindirir. Əsas məqsədimizə çatdıq və premyer-liqada qaldıq. Çətin oldu və bu il çox şeylər qazandıq. Klub olaraq premyer-liqada möhkəmləndik. Gənc futbolçular qazandıq. Daha pillə-piılə iərliləmək istəyiriksə, mübarizə vacibdi. Avrokuboklarda oynayacaq komandalara uğurlar arzu.
- Ötən mətbuat konfransında bildirdiniz ki, bəzi məsələlər var qalıb-qalmayacağınızla bağlı. Rəhbərliklə danışıqlar olub?
- Rəsmi də olmasa bilirii ki, dövlətdən ayrılan məbləğ aşağı düşəcək. Kənardan heç bir komandaya dəstək yoxdu. 500 min bizim üçün böyük məbləğdi. Böyük büdcəsi olan klublar da onlara çətin olacağını deyir. Bir aydı rəhbərliklə fikir mübadiləsi aparırıq. Bir yola çıxmışıq və yarımçıq qoymaq istəmirəm. Burada tək mən deyiləm. Böyük risklər atırıq. O yola getmək lazımdı. Yarımçıq qoymaq düz olmazdı. Rəhbərlik də bir fədakarlıq etməyə çalışır. Növbəti mövsüm buradayıq. Yeni futbolçular gələcək. Daha perspektivli futbolçular istəyirik. Seleksiyamıza başlamışıq.
- Millinin heyəti açıqlandı. Amin Rzayevi heyətə cəlb etmisiniz. Qısaldılmış siyahıda onu görə bilərik?
- Bəzi 4-5 futbolçu var ki, çağıra bilmədim. Onları da gələn toplanışda görmək istəyirəm. Son oyunlar öz komandalarında yaxşı çıxış etdilər. Ötən toplanışda da 2007 təvəllüdlü futbolçular var idi. Bu bütün gənclərə ismarıcdı. Futbolçular izlənilir. Hər kəsin şansı var.
- Bu gün heyətdə 2 legioner var idi. Digər legionerlərlə yolları ayırmısınız?
- Andrey, Rikardo, Alfons, Vladislav bizimlədi. Digərləri ilə yolları ayırmışıq. Leroy Mikels də getmək istədi. Bu gün iki legioner və gənclər yaxşı mübarizə apardı. Gələn mövsüm üçün indilik 4 legionerimiz var. “Qarabağ”a qarşı oynamaq hər adama nəsib olmur. İnamlı oynamaqları lazım idi.
- Daha çox yerli futboçuya üstünlük verəcəksiniz. Bir neçə komanda ilə danışıq aparmısınız?
- “Qəbələ”dən müsbət cavab almışıq. Digər klublarla gözləmə mövqeyindəyik. “Qəbələ”dən Emil Süleymanovu icarəyə götürdük

ƏSƏD SEYİDOV