Kriştiano Ronaldonun qarşıdakı planları ilə bağlı xəbərlər yayılıb. O, daha bir klubun sahibi olacaq.
“Əl-Nəssr”in hücumçusunun yeni klub almağa hazrlaşdığı barədə “Marca” qəzeti məlumat yayıb. 40 yaşlı hücumçu İspaniya çempionatının 2-ci divizionunda mübarizə aparan “Almeriya”nın şərikli sahibi olacaq.

Ulduz futbolçu “SMC Group”un səhmlərini almaq və bununla da İspaniya klubunun sahiblərindən birinə çevrilməyə yaxındı. Məlumatda Ronaldonun Səudiyyə Ərəbistanının “SMC Group” sərmayə şirkətinin rəhbəri Məhəmməd Əl-Xereyci ilə yaxşı münasibətdə olduğu da bildirilir.

Maraq üçün qeyd edək ki, “Almeriya” hazırda La Liqa 2-də 40-cı turdan sonra 65 xalla 6-cı yeri tutur.
Kriştiano ilə bağlı yayılan digər xəbər də maraqlıdı. O, adı açıqlanmayan Braziliya klubundan təklif alıb. “Marca”nın məlumat yayıb. Bu mənbənin xəbərinə görə, Baziliya klubu portuqaliyalı futbolçuya bazar qiymətlərindən yüksək olan şərtlər təklif edir.

Bundan əlavə, 3-cü tərəf sərmayədarları sövdələşməyə qoşula bilər. Ronaldo bu təklifi qəbul etməklə Klublararası Dünya Çempionatında oynamaq fürsətinə malikdi.

Yeri gəlmişkən, “Əl-Nəssr” rəhbərliyi və 40 yaşlı futbolçu komandanın son iki ildə uğur əldə etmədiyi üçün müqavilənin yenilənməməsini məqsədəuyğun sayır. Qeyd edək ki, 2023-cü ildən bu komandada çıxış edən futbolçu cari mövsüm bütün turnirlərdə 39 oyuna 33 qol vurub və 4 məhsuldar ötürmə verib.