“Ümumiyyətlə, nə qədər çox liqalar və aşağı yaş qruplarında yarışlar olsa, bu, futbolçuların oyun praktikası və inkişafı baxımından böyük bir təkan olar. Belə yarışların keçirilməsi vacibdi. İkinci tərəfdən, əvəzedici komandaların çempionatının keçirilməməsinin səbəbi kimi klublara ayrılan maliyyənin azaldılması göstərilirsə, bir qədər mənasız yanaşma ortaya çıxır və sual doğurur: niyə bu azaldılma aşağı yaş qruplarına təsir etməlidi? Bu baxımdan mən şəxsən tərəfdarıyam ki, daha çox yarışlar keçirilsin. Məsələn, U-19-un heyəti əsasən əvəzedici komandaların üzvlərindən formalaşır. Bu çempionat olmasa, milli baxımından da ziyan çəkəcəyik. Onsuz da premyer-liqada legioner limiti azaldılıb, bu da yerli futbolçular üçün çətinlik yaradır. Əvəzedici komandaların yarışı da olmasa, bu, aşağı yaş qrupları üzrə milli komandalarına birbaşa təsir edəcək. Yəni nəticə etibarilə yenə də çətinlik yaranacaq”.