“AFFA-nın klublara ayırdığı maliyyənin yarısı yoxdu, yarısı ödənilməyib“
Misli premyer-liqasının 34-cü turunda “Kəpəz” “Neftçi”yə məğlub olub 1:5.
“Football-plus.az” xəbər verir ki, matçdan sonra qərblilərin baş məşqçisi Adil Şükürovun mətbuat konfransı keçirilib. Sizi onun fikirləri ilə tanış edirik:
“Danışılası çox şey yoxdu. Uduzduq. Bu məğlubiyyətdən gələcək oyunlar üçün dərs çıxarmalıyıq. Sadəcə sürətimiz çatmadı. İlk hissədə sürətli çıxışlarımız oldu, qol epizodları yaratdıq. İkinci hissədə sürətimiz düşdü və sürətsizliyə görə nəticə belə oldu".
- Əvəzedici heyətin fubolçuları üç aydı ki, maaş almır. Bu məsələ sizi nə qədər narahat edir?
- Elə məsələdi ki, hər kəsi narahat edir. Həll etməyə çalışırıq. Son dönəmlərdə AFFA-nın klublara ayırdığı maliyyənin yarısı yoxdu, yarısı ödənilməyib. Bunların hamısının təsiri var. Təkcə bu ay deyil, o biri aylarda da belə bu cür hallar yaşanıb. Yəni, futbolçuların maaşının gecikməsini səbəbi də odu. Çalışırıq ki, bu məsələni həll edək.
- Müqaviləniz mövsümün sonuna qədər idi?
- Xeyr, hələ bir il də var.
Digər xəbərlər
