“Təklif və müraciətlərimizə uyğun olaraq, AFFA İcraiyyə Komitəsinin son iclasında müzakirəyə çıxarılan məsələlərin hazırlıq mərhələsi Katibliyə həvalə edilib. Daha əvvəl də qeyd etdiyim kimi, AFFA-nın baş katibi Cahangir Fərəculayevlə görüşümüz baş tutub. Bu görüşü daha çox tanışlıq xarakterli hesab etmək olar, çünki detallara toxunmaq istəmirəm. Ümumilikdə AFFA rəhbərliyi ilə müntəzəm görüşlərimiz, fikir mübadiləsi və müxtəlif layihələr üzrə müzakirələrimiz davam edir. Konfrans zamanı da vurğulandığı kimi, Azərbaycan futbolunun sıfır nöqtəsindən yüksəldilməsi üçün artıq birliyin yaradılması və qəti addımların atılması vaxtı çatıb, hətta bir qədər də gecikib. AFFA Nizamnaməsi və qəbul olunmuş İnkişaf Strategiyasının tələbləri kompleks şəkildə icra olunmalıdı. Son mərhələdə keçiriləcək görüşlərdən sonra bir çox məqama aydınlıq gətiriləcəyi gözlənilir”.