“Bu il “Zaqatala” maliyyə problemləri ilə üzləşdi. Bildiyiniz kimi, mövsümün ikinci yarısını, demək olar ki, cəmi 12-13 oyunçu ilə keçirdik. Qış fasiləsində heyətə bir neçə futbolçu əlavə edə bilsəydik, əminəm ki, “Zaqatala” premyer-liqaya yüksələn üç komandadan biri olardı. “Qəbələ” ilə oyuna gəlincə, deməliyəm ki, futbol elə budu – bir gün hər şey yaxşı alınır, 3 qol vurursan, bir gün isə istədiyin kimi olmur və 4 qol buraxırsan. “Qəbələ” ilə oyunda bizim günümüz deyildi, istədiyimiz kimi keçmədi. Özümə gəlincə, şükür Allaha, bu mövsüm 26 oyunun hamısında 90 dəqiqə meydanda oldum. İnşallah, son turda - “Cəbrayıl”la matçda da 90 dəqiqə oynayıb mövsümü tamamlayacağam. Hazırda həm Azərbaycan komandalarından, həm də ölkə xaricindən bir neçə transfer təklifi almışam, amma hələ heç bir klubla danışığa başlamamışam. Son qərarımı mövsümün sonunda verəcəyəm. Şəxsən mən Azərbaycanı çox sevirəm və məni qane edən bir təklif olsa, gələn mövsüm də bu gözəl ölkədə qalmaq istəyirəm. Görək, qismət nə olar, inşallah”.