“Qarabağ” qrupa düşəcək, qalan klubların irəliləməsi püşkdən asılıdı”
Ölkəmizin avrokubokların 2025/26 mövsümündə təmsilçiliyi ilə bağlı mənzərə, demək olar ki, dəqiqləşib.
Premyer-liqada sona iki tur qalmış və ölkə kubokunun finalı ərəfəsində faktiki avrokuboklara üç vəsiqənin sahibi bəllidi. “Qarabağ”, “Zirə” və “Araz-Naxçıvan” mövsümün sonunda UEFA turnirlərində iştirak hüququnu artıq təmin edib. Amma avrokuboklara 4-cü vəsiqə uğrunda mübarizə davam edir. Həlledici məqam isə ölkə kubokunun finalıdı. “Qarabağ” finalda qalib gələrsə, “Turan Tovuz”, uduzarsa, “Sabah” Avropaya yollanacaq. Kubokun mayın 31-də keçiriləcək finalında “Qarabağ”la “Sabah” ilə üz-üzə gələcək.
Bəs bu komandanın indiki durumunu necə dəyərləndirmək olar, hansı avrokuboklarda bir neçə mərhələ adlamağa qadirdi? Hansı çatışmazlıqlar var, bunları fasilədə aradan qaldırmaq mümkün olacaqmı? Bu beş komandadan hansıların oyub üslubu ürəyinizcədi?
Bu sualları təcrübəli mütəxəssis Aslan Kərimova ünvanladıq:
“Ümumi götürsək, artıq demək olar ki, avrokuboklara yollanacaq komandalar bəllidi. Yalnız final oyunundan sonra 4-cü yerin taleyi dəqiqləşəcək. Hazırda “Qarabağ”, “Zirə” və “Araz Naxçıvan” avrokuboklarla vəsiqəni, demək olar ki, təmin edib. Hərçənd “Araz Naxçıvan”ın 3-cü yeri əldən verə biləcəyi ehtimalı nəzəri cəhətdən var. Yəni naxçıvanlılar “Turan Tovuz”la yerini dəyişə biıər.
“Qarabağ”, “Zirə”, “Araz-Naxçıvan” və “Sabah”la “Turan Tovuz”dan boiri gələn mövsüm avrokuboklarda ölkəmizi təmsil edəcək. Potensiala gəlincə, istisnasız “Qarabağ” ön plana çıxır. Həm təcrübə, həm maliyyə imkanları, həm də oyunçu keyfiyyəti baxımından bu komandanın həm Çempionlar Liqasının, həm də Avropa Liqasının qrupuna düşmək gücü var. Məncə, hər şey yaxşı getsə, “Qarabağ” bu il Çempionlar Liqasının əsas mərhələsinə vəsiqə qazana bilər. Ən pis halda isə Avropa Liqasının əsas mərhələsində çıxış edəcəyini proqnozlaşdırmaq olar. Qalan klublar üçün vəziyyət daha çətindi. Onların uğuru birbaşa püşkatmada qarşılarına çıxacaq rəqibdən asılıdı. Təəssüf ki, maliyyə imkanları, təcrübə və oyunçu keyfiyyəti baxımından Avropanın orta səviyyəli klublarından geri qalırıq. “Qarabağ” reytinqi hesabına ilk mərhələlərdə özündən zəif rəqiblərlə qarşılaşacaq. Lakin “Zirə”, “Araz Naxçıvan”, “Sabah” və ya “Turan Tovuz” daha güclü rəqiblərlə üz-üzə gələcək. Bu da onların növbəti mərhələlərə keçməsini çətinləşdirəcək. Yəni yekun fikir kimi onu deyə bilərəm ki, “Qarabağ” istisna olmaqla başqa klublarımızın nə qədər irəliləyə biləcəyini yalnız rəqibləri müəyyənləşdirəcək. İndiki durumda bu haqda konkret proqnoz vermək çətindi. ansısa komandamızın oyun üslubunu dəyərləndirməyi lazım bilmirəm”.
ƏSƏD SEYİDOV
Digər xəbərlər
