Avrokuboklara iddialılarən nəyə ehtiyacı var?
Ölkə kubokunun yarımfinalının ardından avrokuboklara vəsiqəyə iddialıların sırası daraldı.
İndi “Qarabağ”, “Zirə”, “Araz-Naxçıvan”, “Turan Tovuz” və “Sabah” yayda avrokuboklarda oynamağa iddialıdı. Bu klublardan hansının dəyişikliyə, güclənməyə ehtiyacı var? Bu sualları menecerlərdən Tural Əsgərovla Ceyhun Sultanova ünvanladıq.
Tural Əsgərov:
“Layiqincə təmsil etmək qruplara düşməkdisə, indiki vəziyyətdə bunu “Qarabağ”dan başqa kiminsə edəcəyinə inanmıram. Avrokuboklara gedən klublar, yəqin ki, heyətini daha da gücləndirəcək. Amma “Qarabağ” indiki heyətdə heç bir dəyişiklik olmadan ən azı Konfrans Liqasının qrupuna düşə bilər. Qalan klublar heyətini gücləndirməlidi. Baxmayaraq ki, “Zirə” ötən il təsnifat mərhələsində çox yaxşı oynadı, onun da güclənməyə ehtiyacı var”.
Ceyhun Sultanov:
“İki klubumuzun avrokuboklara düşməsi rəsmən bəllidi - “Qarabağ” və “Zirə”. Digər klublardan danışmaq tezdi. Burda təcrübədən daha çox futbolçuların keyfiyyəti önəmlidi. Çünki avrokuboklarda zəif klublar olmur. Zəif heyətlə qrup mərhələsini ağıldan keçirmək belə düzgün deyil. Qrupa düşmək istəyən bütün komandalar güclənməlidi”.
MÜZƏFFƏR QULUZADƏ
Digər xəbərlər
