“Bəli, Brahim Konatenin müqaviləsi mövsümün sonunda başa çatır, bu faktdı. Eyni zamanda, onu da deyim ki, Brahimlə yeni müqavilə bağlamağa çalışmışıq. Yəni onunla danışığımız olub, yeni müqavilə təklifi etmişik. Amma təəssüf ki, o vaxt razılığa gələ bilmədik. Onun müqaviləsinin müddəti bu ayın sonunda bitir. Brahimin başqa klublarla razılığa gəlməsi, hansısa kluba keçəcəyi ilə bağlı dəqiq məlumatım yoxdu. Ona görə də bu mövzuda nəyisə təsdiqləyə və ya təkzib edə bilmərəm. Hazırkı vəziyyətdə istər “Zirə”, istər Neftçi, istərsə də bir başqa klub – fərq etməz, Brahimlə danışıqlar apara bilər. Çünki onun müqavilə müddəti bitmək üzrədi və üçüncü tərəf – başqa klublar artıq onunla danışıq apara bilər. Futbolçunun klubla müqaviləsinin bitməsinə altı aydan az qalanda başqa bir klub onunla birbaşa danışıqlar apara, müqavilə bağlamaq haqqına malikdi. Yəni belə hallarda indiki klubdan icazə almaq və ya rəsmi müraciət etmək zəruri deyil. Bu, FİFA qaydalarına uyğun olan, tam hüquqi və düzgün yoldu. Brahimlə bağlı vəziyyət belədi. Heç bir klub bizə rəsmi müraciət etməyib. Amma bu o demək deyil ki, futbolçu hansısa klubla danışıq aparmayıb. Sadəcə, bizdə belə bir məlumat yoxdu. Bizə bu yöndə heç bir rəsmi müraciət və ya xəbərdarlıq daxil olmayıb”.