''Qalatasaray'' Türkiyənin ''Bavariya''sına çevrilir''
''Qalatasaray'' Türkiyə futbolunda hegemonluğunu davam etdirir.
Komanda ardıcıl 3-cü, tarixinin 25-ci çempionluğunu qazanmaq üzrədi. Bu göstəricidə ''sarı-qırmızılar''ın ən yaxın izləyicisi ''Fənərbaxça''nın yalnız 19 çempionluğu var və bu komanda artıq 10 ildən çoxdu, çempion ola bilmir! Bu gedişlə ''Qalatasaray''ın hegemonluğuna kimin son qoyacağı maraq doğurur.
Bu arada Türkiyənin tanınmış məşqçilərindən olan Tolunay Kafkas bu mövzuda diqqətçəkən acıqlamalar verib. ''Trabzonspor'', ''Kayserispor'', ''Karabükspor'', ''Akhisarspor'', ''Ankaragücü'', ''Fatih Karagümrük'', eləcə də Türkiyənin U-21 yığmasında işləmiş 57 yaşlı mütəxəssis ''Qalatasaray''ın Türkiyənin ''Bavariya''sına çevrildiyini iddia edib:
''İndi ''Qalatasaray'' fanatı olmaq sanki əlavə bir üstünlük kimi görünür. Qarşıdakı illərdə nə olacağını deyə bilmərəm. Amma ''Beşiktaş''la ''Trabzonspor'' da artıq mütləq bu yarışın içinə daxil olmalıdı. ''Qalatasaray'' artıq Türkiyənin ''Bavariya''sına çevrilir. Ancaq bu, Türkiyə çempionatına xeyir verməyəcək. Əksinə ziyan vuracaq. Bura Almaniya çempionatı deyil. Superliqada bir komandanın uzun illər hegemonluq etməsi ortaya başqa problemlər çıxaracaq. Rəqiblər də heyəti gücləndirməli, səviyyə baxımından ''Qalatasaray''a yaxınlaşmalıdı. Ən azı xal baxımından liderə yaxın olmalıdılar. Xüsusilə də ''Beşiktaş''la ''Trabzonspor''u nəzərdə tuturam. Bu komandalarla ''Qalatasaray'' arasındakı xal fərqini qəbul etmək mümkün deyil''.
Digər xəbərlər
