“Şamaxı” Misli premyer-liqasının 35-ci turunda “Araz-Naxçıvan”a məğlub oldu - 1:0

“Football-plus.az” xəbər verir ki, oyundansonra keçirilən mətbuat konfransında ev sahiblərinin baş məşqçisi Ayxan Abbasov görüş haqda fikirlərini bildirib.

- Çempionat bitir. Heyət baxımdan çox əziyyət çəkirik. Ümumi olaraq mövsüm uğurlu oldu. 35 tur ərzində heç vaxt aşağı pillələrdə olmadıq. Rəqibi təbrik edirəm. Bizdən təcrübəlidilər. Başa-baş oynadıq. Məncə, ədalətli nəticə heç-heçə idi.

- Komandanı çempionatda saxlaya bildiz. Heyətdə çox futbolçularınızı itirdiz. Bu barədə fikirləriniz necədi?
- Sıfırdan başlamışdıq. Bu mövsüm təcrübə qazandıq. Konate “Zirə” ilə müqavilə bağladı. Bu gün sağollaşdıq. Bəzi legionerlərin isə müqaviləsi var. Büdcəyə görə sakitçilikdi. Seleksiya işləri davam edəcək.

- Adınız “Sabah”la hallanır. Nə dərəcədə düzgündü?
İlk dəfədi eşidirəm. Belə söhbət yoxdu.

- “Sumqayıt”, “Kəpəz” və “Qəbələ” rəhbərliyi gələn mövsüm iddialı olacaqlarını dedi. Bəs siz nə düşünürsüz?
- “Qəbələ”nin təcrübəsi var. İki dəfə avroliqa qruplarında oynayıblar. Çempionat üç dövrə olacaq. Bu də çətinlik yaradacaq.

- Rəhbərlik sponsor axtarır?
- Bəli. Çalışır, dayanmır. Dəstək lazımdı. “Şamaxı” elitaya lazımdı. Başqa klublar Edqar, Rüfət kimi futbolçuları çıxarmaq üçün milyonlar xərcləyir.

- Maykl Tuik isinmə hərəkətlərində zədələndi. Vəziyyəti necədi?
- Dünən ağrıları var idi. İstədik yoxlayaq, alınmadı.

- VAR-ın olmamasının nəticəyə təsir etdiyini düşünürsüz?
- Xeyr. Ciddi heç nə olmadı. Məncə, heç bir problem yaratmadı.

MÜZƏFFƏR QULUZADƏ