“Araz-Naxçıvan” Misli premyer-liqasının 35-ci turunda “Şamaxı”nı məğlub etdi - 1:0.

“Football-plus.az” xəbər verir ki, oyundansonra keçirilən mətbuat konfransında qonaqların baş məşqçisi Elmar Baxşıyev görüş haqda fikirlərini bildirib.

-Komanda olaraq bizi nə gözlədiyini bilirdik. Mövsüm ərzində istədiyimizə nail olduq. Naxçıvan adına sevindirici məqamdı. Rəhbərlik bizə inandı, güvəndi. Konfrans Liqası haqda danışmaq tezdi. Qarşıdakı günlərdə rəhbərliklə görüş olacaq. Müzakirə edəcəyik.

- Rəhbərliklə görüş olacaq dediz. Neçə transferə ehtiyac var?
- Mövsümün əvvəlində rəhbərliklə komandanın inkişaf proyekti haqda danışmışdıq. Komandanın elitada ikinci mövsümüdü. Bəlkə mənim işim qaneedici deyil. Daha yaxşı "Araz-Naxçıvan" görmək istəyirəm.

- Naxçıvan futbolunda avrokubok həyəcanı ilk dəfə olacaq. Naxçıvanda qeyd etmək fikriniz var?
- Bu mənə aid sual deyil. Rəhbərlik səviyyəsində görüləcək işdi. Ümid edirik ki, gələn mövsüm də Naxçıvan azarkeşlərini sevindirəcəyik.

- Komandada kimlər qalacaq?
- Mənlə birgə hamının müqaviləsi bitir. Ribeyrodan başqa. Rəhbərliklə danışılacaq. Proyektimi qəbul etsələr, davam edəcəyik.

- Bu uğur, bürünc medal məşqçi karyeranızda hansı yeri tutur?
- “Qəbələ”də uğurlu oldum. İki il ard-arda avrokuboklara çıxdıq. Komandanın 1-ci liqaya düşməyində mənim də payım var.

- Kasad heyət və azarkeşsiz komandanı bu uğura necə köklədiz?
- Bu uğurda futbolçularımın əməyi böyükdü.

- “Qəbələ” dönəmindən danışdız. Elitaya çıxınlar. Bu barədə fikirləriniz?
- Onların yeri premyer-liqadı. Media üzərindən də təbrik edirəm.

MÜZƏFFƏR QULUZADƏ