“Belə hallar üçün alternativ variantlarımız var” – işıq iki dəfə söndü və yandı…
Misli premyer-liqasının 34-cü turunun "Sabah" - "Şamaxı" oyunu zamanı stadionun projektorlarında problem yarandığını xəbər vermişdik.
“Bank Respublika Arena"da işiqlar iki fərqli vaxtda sönüb. Baş hakim Fərid Hacıyev 42-ci dəqiqədə fasilə verməyə məcbur olub. Təxminən, bir dəqiqəlik fasilədən sonra oyun qaldığı yerdən davam etdirilib.
Görəsən, Masazırda nə baş vermişdi? Problem tam aradan qaldırıldımı? Bu sualları “Sabah”ın mətbuat xidmətinin rəhbəri Elnur Həmidova ünvanladıq:
“Stadionun işıqlandırma sistemində yaranan problem texniki səbəblərlə bağlı idi. Məsul əməkdaşlar problemi qısa müddətdə aradan qaldırdılar və matçın qalan hissəsində oxşar hal təkrarlanmadı. Qalıcı problem yoxdu. Belə hallar üçün alternativ variantlarımız var. Son oyunda da məhz bunun sayəsində problem qısa müddətdə aradan qaldırıldı”.
ƏSƏD SEYİDOV
Digər xəbərlər
