“İnşallah, 4-cü yeri qoruyarıq” – 4 oyundu qələbəyə həsrətdilər...
“Turan Tovuz” son turda “Neftçi”yə 1:2 hesabıyla məğlub olmaqla qələbə həsrətini 4-ə çatdırdı. Ümumiyyətlə, Kurban Berdıyevin çalışdırdığı komanda qış fasiləsindən sonra cəmi 4 qələbə qazanıb.
Komandanın son oyunları ilə bağlı “Ultras Turan”ın rəhbəri Kamal Saqqayevin fikirlərini öyrəndik. Onun “Football-plus.az”a cavabı:
“Son oyunlardakı nəticələr bizi də narahat edir. İnşallah, “Sumqayıt”la oyunda qalib gəlib 4-cü yeri qoruyarıq. Zədəli futbolçularımızın çoxluğu bizə həddən artıq təsir etdi”.
ƏSƏD SEYİDOV
