“Sumqayıt” Misli premyer-liqasının 34-cü turunda səfərdə “Kəpəz”ə məğlub oldu - 1:0.

“Football-plus.az” xəbər verir ki, qonaqların baş məşqçisi Vaqif Cavadov oyundan sonra jurnalistlər önünə çıxıb.

- Gərgin oyun keçdi. Hər iki komanda qalib gəlmək istəyirdi. Məncə, hakimlər hər şey elədi ki, “Kəpəz” qalib gəlsin. Bizim də imkanlarımız var idi. Fürsətlərdən istifadə edə bilmədik. Necə olacağını deyə bilmərəm. Rəhbərlik nə qərar qəbul verərsə, onun arxasında olacam. Mənim getməyim kiməsə xeyir verəcəksə, niyə də yox?! Bu gün əlimdəm gələni edirəm ki, komanda qalib gəlsin.

- Şans olsaydı, nəyi dəyişərdiz?
- Bəzi futbolçuları dəyişərdim. Heç kimi alçaltmaq istəmirəm. Qaçmasan, işləməsən, mümkün deyil ki, sən qalib gələsən. Bəlkə də mənim səhvlərim var. Bu komandanı mən qurmamışam. İstədiyim futbolçular olmayıb. Fakt premyer-liqada qalmışıq.

- O qədər də önəmli oyun deyildi. Gənclərə niyə şans vermədiz?
- Hansı klub 2006-07 təvəllüdlü futbolçulara şans verir? Yetərli olsaydılar, oynadardıq. Əsas məsələ premyer-liqada qalmaq idi. Həmişə Azərbaycan futbolunda legionerlərə üstünlük vermisiz. Hamınız “legioner gəlsin” deyirdiz. Legioner də pulu qatdalayır, gedir.

- Mətbuatın münasibətindən narazısız?
- Neçə vaxtdı deyirsiz ki, Vaqif Cavadov getsin. Baqa gəlirdisə, deyərdiz gələrdi də. Sizlərin vasitəsi ilə azarkeşlərin deməsi ilə getdi.

- Rəhbərlik Baqanı gətirəcəyini deyir. Burda dediyiniz mesaj kimə yönəlib?
- Rəhbərliyə.

- Heyətdə nə qədər dəyişiklik etməyi düşünürsüz?
- Demək olar ki, bir çox futbolçunun müqavilə müddəti bitir. Onlar da sağ olsun, mübarizə aparırlar.

- Hakimlikdən narazı qaldız?
- “Neftçi” ilə oyunda futbolçumuzu yerə yıxdılar, heç nə olmadı. Burda belə vəziyyətdə penalti qərarı verilirsə, nə deyə bilərəm?

- Vüqar Mustafayevlə sağollaşdız?
- Çətin zədəsi var. Ona rəğmən, gücünü ortaya qoyur. Növbəti mövsüm oynayıb-oynamayacağına özü qərar verəcək.

ƏSƏD SEYİDOV