''İkardi əla futbolçu idi. Cərimə meydançasında əsil yırtıcı idi. Onun kimi hücumçular çox azdı. Derbilər də daxil olmaqla vacib qollar vururdu. İkardi Filippo İnzaqinin fiziki cəhətdən daha güclü və təkmilləşdirilmiş versiyasıdı. Hətta indiyə qədər də Türkiyədə bu özəlliyini nümayiş etdirə bilir. Ancaq ''İnter''də elə bi an gəldi ki, kapitanımızın zəif nöqtəsi bəlli oldu. Onun zəif nöqtəsinin adı Vanda Nara idi. Bu, bütün komandaya baha başa gələ bilərdi. Buna imkan verə bilməzdim. Bir ara Mauro karyerasında eniş yaşamağa başladı. Məhsuldarlığı aşağı düşdü. Vanda həmin çətin məqamda jurnalistlərin qarşısına çıxaraq ''Mauronun qol vurmasını istəyənlər onun yanına səviyyəli futbolçular almalıdı'' açıqlamasını verdi. Başqa sözlə desək, Nara İkardinin komanda yoldaşlarını aşağılayaraq daha güclü futbolçulara ehtiyac duyulduğunu dedi. Bu, sadəcə inanılmaz bir açıqlama idi. Əsil ''bomba'' effekti verdi. Bu, ''vatsapp''da və ya ''instaqram''da bir cümlə ilə yola veriləsi açıqlamalardan deyildi. Artıq bəzi şeyləri müzakirə etmək üçün İkardi ilə bir-birimizin gözünün içinə baxaraq danışmalı idik. Paltardəyişmə otağında ''müharibənin'' qarşısını yalnız bir şey - İkardinin üzrxahlığı ala bilərdi. Amma üzr istəmədi. Ertəsi gün paltardəyişmə otağında bütün komandanın önündə İkardidən Vandanın sözlərinə aydınlıq gətirməsini tələb etdim. O yalnız ''Vanda bu sözləri mənim həyat yoldaşım kimi yox, menecerim kimi dilə gətirdi'' açıqlamasını verməklə kifayətləndi. Bu, yetərli açıqlama deyildi. Yavaş-yavaş durum nəzarətdən çıxırdı. Başqa çıxış yolum yox idi. İkardiyə təklikdə bəzi sözlər deməli, eləcə də kapitan sarğısını ondan alıb Handanoviçə verməli oldum. Mauro bu qərarı pis, hətta çox pis qarşıladı. Ancaq bütün komandanı itirməmək üçün onu, çox yaxşı futbolçu və insanı itirməli oldum''.