Lebron Ceyms üçün yol bitdi!
Qəzetimizin işıq üzü görmədiyi günlərdə 1/8 finalın bəzi cütlərində mübarizə başa çatdı. “Mayami” ilə seriyada inamlı qələbə qazanan (4:0) “Klivlend” növbəti mərhələdə “İndiana” ilə qarşılaşacaq.
Bu komanda “Miluoki”ni sıradan çıxardı (4:1).
Növbəti mərhələdə oynayacaq daha bir komanda bəllidi. “Boston” 5-ci oyunda “Orlando”nu məğlub etməklə seriyanı bitirdi – 4:1. “Seltiks” 1/4 finalda “Nyu-York” ilə qarşılaşacaq. Ona görə ki, “Niks” “Detroyt” ilə seriyadan qalib ayrıldı - 4:2.
Bu arada “San-Antonio”nun müdafiəçisi Stefon Kasl 2024/25 mövsümünün ən yaxşı debütantı sayılıb. Səsverməyə qatılan 100 jurnalistdən 92-si 20 yaşlı amerikalını 1-ci yerdə göstərib. Kasl bu mövsüm hər oyunda orta hesabla 14,7 xal toplayıb, 3,7 ribaund edib, 4,1 ötürmə verib. O, Zakkari Risaşerlə (Atlanta) Ceylen Uellsi (Memfis) arxada qoyub.
“Leykers” srağagün mübarizəni dayandırandan sonra bu komandanın əsas ulduzu Lebron Ceymsə, təbii ki, hələ nə qədər oynayacağı ilə bağlı sual verilib:
“Bu suala hazır cavabım yoxdu. Bunu ailəm, xanımım və komandam ilə müzakirə etməliyəm. Özüm özümə cavab verməliyəm ki, hələ nə qədər oynamaq istəyirəm? Baxarıq”.
Amma dünyaca məşhur insayder Şəms Çaraniya bu mövzuya da aydınlıq gəitirb. Onun fikrincə, “gölməçəsevərlər”in ulduzu MBA-nın növbəti mövsümündə də meydana çıxacaq. Hətta 40 yaşlı amerikalı birdən artıq mövsümdə də görünə bilər. Bu isə artıq Lebronun ikinci oğlu Braysın karyerasından asılı olacaq. 17 yaşlı yeniyetmə 2025/26 mövsümündə Arizona Universitetinin komandasında oynayacaq. Sonrakı mövsüm artıq MBA-dü gücünü sınaya bilər. Onu da vurğulayaq ki, 2025/26 mövsümü Lebron üçün rekord – 23-cü olacaq.
1/8 final
29 aprel
Mayami – Klivlend 83:138 (17:43, 16:29, 30:39, 20:27)
Seriyada hesab – 0:4.
Qolden Steyt – Hyuston 109:106 (28:26, 22:31, 32:23, 27:26)
Seriyada hesab – 3:1.
30 aprel
İndiana – Miluoki 119:118 OT (13:30, 28:17, 34:28, 28:28, 16:15)
Seriyada hesab – 4:1.
Nyu-York – Detroyt 103:106 (23:22, 27:27, 24:28, 29:29)
Seriyada hesab – 3:2.
Boston – Orlando 120:89 (23:27, 24:22, 36:13, 37:27)
Seriyada hesab – 4:1.
Denver – Klippers 131:115 (35:23, 32:36, 32:24, 32:32)
Seriyada hesab – 3:2.
1 may
Hyuston – Qolden Steyt 131:116 (40:24, 36:25, 31:31, 24:36)
Seriyada hesab – 2:3.
Leykers – Minnesota 96:103 (22:31, 27:28, 31:22, 16:22)
Seriyada hesab – 1:4.
2 may
Detroyt – Nyu-York 113:116 (23:37, 38:22, 24:37, 28:20)
Seriyada hesab – 2:4.
Klippers – Denver 111:105 (25:28, 33:29, 32:22, 21:26)
Seriyada hesab – 3:3.
Digər xəbərlər
