Sərgəndən ''Qalatasaray''a məsləhət: ''Onu qətiyyən almayın''
Baş məşqçi karyerasında bir müddət ara verən və hazırda şərhçi kimi çalışan Sərgən Yalçın ''Qalatasaray''ın Neymara maraq göstərməsi ilə bağlı yayılan şayiələrə münasibət bildirib.
''Football-plus.az'' xəbər verir ki, bu günlərdə İspaniya mətbuatında İstanbul nəhənginin braziliyalı ulduza maddi cəhətdən olduqca cəlbedici bir təklif irəli sürməyə hazır olması ilə bağlı xəbərlər yayılmışdı.
Bu yaxınlarda xərçəng xəstəsi olan qardaşını itirən Sərgən Yalçın tez-tez qonağı olduğu ''Kafa Sports'' adlı ''yutub'' kanalına açıqlamasında bunları deyib:
''Qətiyyən Neymarı almasınlar. Məncə, onun futbol həyatı artıq bitib. Zatən istədiyi qədər də pul qazanıb. Bunu tək ''Qalatasaray''la bağlı söyləmirəm. Ümumiyyətlə, bu məsələdə şəxsi fikrimi bildirirəm. Belə oyunçuları almasınlar və Türkiyə futboluna haqsızlıq etməsinlər. Çünki bu cür futbolçu gətirdinsə, 3-4 illik müqavilə imzalayacaq və ən az 20-25 milyon avro maaş verəcəksən. Sonra nə olacağını da deyim. 6-cı aydan sonra ağlamağa başlayacaqsan''.
ƏLİ
