''Bir ara artıq ''Qalatasaray''a yollanmaq üzrə idim. Amma son anda ''İnter''ə transfer olundum. ''Qalatasaray''da öz işini sevən və yaxşı insanların olduğunu gördüm. Ümumiyyətlə, futbolun dəyişdiyini görmək mümkündü. Keçmişdə istək və peşəkarlıq ön planda idi. Bu gün isə reklamı və əlaqələri olan futbolçular irəli gedir. Yaxşı oyunçu olsan da, reklamın və əlaqələrin güclü deyilsə, sən yox, başqaları şans qazanacaq. Bu cəhətdən futbol çox dəyişib. Hazırda fiziki və psixoloji cəhətdən özümü çox yaxşı hiss edirəm. Karyeramda hər zaman böyük hədəfləri olan klublarda oynamışam. Belə də davam etmək istəyirəm. Çempionluq və qələbə mentaliteti olmadan yaşamaq mənə ziddi. Gökhan İnləri yaxından tanıyıram. İllər öncə Udinedə birlikdə oynamışdıq. İndi o, ''Udineze''nin idman direktorudu. İşi heç asan deyil. İtaliya, İngiltərə, Fransa və ya İspaniyadan istedadlar tapmalıdı. Gökhan yaxşı insan və yaxşı peşəkardı''.