Fransa çempionatı tədricən sona yaxınlaşır. Mövsümün əsas sualına – çempionun kimliyinə hələ 28-ci turdan sonra aydınlıq gəlib. Amma 2-ci yer və avrokuboklara vəsiqə uğrunda gərgin mübarizə davam edir.

Mövsümün ən zəif komandası olan “Monpelye”ni evdə darmadağın edən “Marsel” yenidən 2-ci pilləni ələ keçirdi. Artıq 8-ci dəqiqədə hesabı açan cənublular hissənin sonuna qədər bir daha rəqib qapısına yol tapa bilmədi. Amma 2-ci hissədə “kötəkləmə” başladı. Sonda tabloda 5:1 hesabı “yandı”.

Turun mərkəzi oyununda “Monako” “Strasbur”u qəbul etdi. Qarşılıqlı hücumlar şəraitində keçən oyunda hesab açılmadı. “Knyazlar”la yanaşı, “Strasbur” da avokuboklara iddiasını davam etdirir.
Artıq çempion statusu və qarışıq heyət ilə meydana çıxan PSJ hesabı erkən açandan sonra sakitləşdi. Bir də 2-ci hissənin əvvəlində Ramuş fərqi artırdı. Elitada yerini qorumaq üçün xala ciddi ehtiyac duyan “Havr”ın gücü yalnız təsəlli qolunu vurmağa çatdı.

Turun qalan oyunlarına gəlincə, “Lill” “Oser”i, “Lans” “Brest”i 3:1 hesabıyla məğlub etdi. “Nitsa” evdə “Anje”yə, “Renn” “Nant”a qalib gəldi. “Reyms” – “Tuluza” oyununda meydan sahibləri üstün oldu.
“Joffrua Qişar” stadionunda “Sent-Etyen” ilə “Lion” qarşılaşdı. Fransada bu komandaların duelinə “Ron derbisi” deyirlər. İlk yarının sonunda – hesab 1:0 olarkən laysman Mehdi Ramuninin başına tribunalardan yad əşya atıldı. Referi Fransua Letesye oyunu dayandırdı və komandalar paltardəyişmə otağına yollandı.

Yarım saatdan sonra mübarizə canlandı. 67-ci dəqiqədə Stassen dubl etdi. “Lion” bundan sonra fəallığı artırsa da, yalnız fərqi minimuma endirməyi bacardı. Yeri gəlmişkən, artıq laysmanı “atəşə tutan” azarkeş saxlanılıb.

30-cu tur
PSJ – Havr 2:1
Due, 8. Ramuş, 50 – Sumare, 60. (47113)
PSJ: Safonov, Hakimi (Mendeş, 61), Ernandes, Beraldo, Mbay (Vitinya, 61), Zair-Emeri, Mayulu, Due (Kimpembe, 81), Li Kan İn (Neveş, 73), Barkola (Kvaratsxeliya, 73), Ramuş.

Marsel – Monpelye 5:1
Qrinvud, 8-p.; 67. Bille, 60-öz qapısına. Rou, 74. Rabyo, 90 – Minkarelli, 83. (66312)
Marsel: Rulyi, Murilyo, Kondoqbia, U.Qarsiya, Enrike (Lirola, 86), Heybyerq, Ronjye (Bennaser, 65), Merlen (Arit, 78), Qrinvud, Quiri (Rou, 65), Rabyo.
Monako – Strasbur 0:0
(12825)
Monako: Kön, Vanderson, Sinqo, Mavissa, Enrike (Diatta, 71), Akliuş, Zakariya, Kamara (Maqassa, 81), Minamino (Ben Seqir, 71), Biret (İlenihena, 90+1), Embolo (Baloqan, 81).

Lill – Oser 3:1
Menye, 9. Devid, 43; 90+7 – Aleksandro, 90+2-öz qapısına. (45929)

Brest – Lans 1:3
Les-Melu, 13 – Koyyaylipu, 17. Əl-Aynaui, 45+7-p. Səid, 90+1. (15049)

Renn – Nant 2:1
Tryuffer, 23. Meyte, 86 – Məhəmməd, 54. (27880)

Nitsa – Anje 2:1
Rosario, 36. Abdi, 47 – Belkdim, 53. (25088)

Reyms – Tuluza 1:0
Sibaço, 39. (14608)

Sent-Etyen – Lion 2:1
Stassen, 10; 67 – Tessmann, 76. (40372)

1. PSJ 29 24 5 0 82-27 77
2. Marsel 30 17 4 9 62-42 55
3. Monako 30 16 6 8 57-35 54
4. Lill 30 15 8 7 47-32 53
5. Nitsa 30 14 9 7 56-38 51
6. Lion 30 15 6 9 58-41 51
7. Strasbur 30 14 9 7 48-37 51
8. Lans 30 13 6 11 35-33 45
9. Brest 30 13 5 12 48-49 44
10. Renn 30 12 2 16 45-40 38
11. Oser 30 10 8 12 41-45 38
12. Tuluza 30 9 7 14 38-39 34
13. Reyms 30 8 8 14 32-42 32
14. Nant 29 7 9 13 34-49 30
15. Anje 30 8 6 16 29-48 30
16. Havr 30 8 3 19 33-64 27
17. Sent-Etyen 30 7 6 17 33-68 27
18. Monpelye 30 4 3 23 22-71 15

Bombardirlər: Dembele (PSJ) – 21, Qrinvud (Marsel) – 18, Devid (Lill) - 16, Kalimuendo (Renn) – 14.

Turun rəqəmi
82 – PSJ cari mövsümdə vurduğu qol sayını bu həddə çatdırdı. Halbuki paytaxt klubu ötən mövsüm bütün turnirlər çərçivəsində cəmi 81 qol vura bilmişdi.

Turun ulduzu
Lüka Stassen (Sent-Etyen) - əlbəttə, bu tur dubl edən başqa futbolçular da var, ancaq biz belçikalı hücumçusu seçdik. Ron derbisinin taleyini həll etməklə yanaşı, həm də “Sent-Etyen”ə elitada qalmaq baxımından ümid verdi. Ölkənin ən titulla klublarından birinin bu yöndə inadkarlığı davam edir.

Turun sitatı
Luis Enrike, PSJ-nin baş məşqçisi:

Faktlar
* “Sent-Etyen” 2019-dan bəri ilk dəfə Ron derbisində “Lion”a qalib gələ bildi. “Yaşıllar” sonuncu dəfə həmin il oktyabrın 6-da “şirlər”dən üstün olmuşdu (1:0).
* Cari mövsümdə 18 qol vuran Qrinvud bombardirlər siyahısında yalnız Dembeledən geri qalır. O, həmçinin “Marsel”in heyətində debüt mövsümündə vurduğu qol sayına görə 21-ci əsrdə yalnız iki futbolçudan geri qalır. Bafetimbi Qomis 2016/17 mövsümündə 20, Didye Droqba isə 2003/04 mövsümündə 19 dəfə fərqlənib.
* “Monpelye” cari mövsümün heç bir oyunda qapısını toxunulmaz saxlaya bilməyib. İndiyə qədər ilk 30 turdan sonra belə nəticə ilə üzləşən yeganə komanda “Tulon”idi (1959/60).