"Bu haqda danışmaq istəmirəm" - Əsgər Abdullayev və "İmişli"...
Bilindiyi kimi, AFFA Məşqçilər Komitəsinin üzvü Əsgər Abdullayev Moldovadan yenicə qayıdıb.
Təcrübəli mütəxəssis Kişinyovda keçirilən və Azərbaycanın U-17 millisinin də iştirak etdiyi UEFA İnkişaf Turnirinin oyunlarını izləyib. Yığmamız turnirdə Moldovaya (0:1), Estoniyaya (1:2) hesabıyla məğlub olsa da, Gürcüstana minimal fərqlə qalib gəlməyi (1:0) bacarıb.
Bu komandanın perspektivi, istedadlı yeniyetirmələrimiz varmı? Bu sualı Əsgər bəyə ünvanladıq:
“İstedadlı uşaqlarımız var. Allah qoysa bunu gələcək göstərəcək. Meydanda bir yerdə olmayıblar. Fərdi üstünlükləri var. Komanda şəklində oynamaq lazımdı. Futbolçular bir-birinə tam uyğunlaşmayıb”.
Yeri gəlmişkən, dünən “İmişli” elitaya vəsiqəni rəsmiləşdirdi. Komanda yola bu hədəflə çıxanda siz də vardız. Bu uğuru necə qiymətləndirirsiz? Sizin də bunda əməyiniz varmı? “Football-plus.az” bu sualları da Əsgər bəyə ünvanladı. Cavabı qısa oldu: “Bu haqda danışmaq istəmirəm. Komandanı təbrik edir, gələcəkdə uğurlar arzulayıram”.
ƏSƏD SEYİDOV
Digər xəbərlər
