Alonso ilə Tanın yolu açıqdı
Xabi Alonsonun mövsümün sonunda iş yerini dəyişəcəyi haqda xəbərlər artıq bir neçə aydı səngimir.
"Football-plus.az" xəbər verir ki, “Bayer-04” rəhbərliyi bu tip məlumata növbəti dəfə reaksiya verib. Almaniya klubunun baş direktoru Fernando Karro baş məşqçinin gələcəyi haqda danışıb. O, Alonsonun növbəti mövsümdən “Real”a rəhbərlik edəcəyi ilə bağlı məlumatlara qısaca belə münasibət bildirib:
“Alonso ilə onun mümkün gedişi ilə bağlı centlmen razılaşmamız var. Xabi üçün təklif gəlsə, danışıqlar masasına oturacaq və ona mane olmayacağıq”.
Yeri gəlmişkən, Conatan Tanın mövsümün sonunda Leverkuzen klubunu tərk edəcəyi dəqiqdi. Almaniyalı müdafiəçi yayda müddəti başa çatacaq müqaviləsini yenilməyəcəyini açıqlayıb:
“Klub bu məsələdən xəbərdardı. Mən rəhbərliyə hər şeyi tam şəffaflıqla çatdırmışam”.
Conatan “Bayer-04”də 2015-ci ildən çıxış edir. Almaniya yığmasının da üzvü olan 29 yaşlı futbolçu bu mövsüm klubunda meydana çıxdığı 45 matçda 3 qol vurub və 1 məhsuldar ötürmə verib. Onunla “Barselona”nın yaxından maraqlandığə iddia olunur .
