Mahir "məğlub edə bilməyəcəyimiz komanda yoxdu" dedi, "Nürnberq" üzr istədi
Biz Mahir Emrelinin "Nürnberq"dəki karyerasının uğursuzluğa düçar olduğunu, "Nürnberq" isə bundesliqaya vəsiqə qazanmaq şanslarının tükəndiyini düşünməyə başlayırdı ki, hər şey bir anda dəyişdi.
Həmyerlimiz komandasının 29-cu tur çərçivəsində "Kayzerslautern"in qonağı olduğu matçda qol vurmaqla azərbaycanlıları da ümidləndirdi, "Nürnberq"li almanları da.
"Football-plus.az" xəbər verir ki, Mahir bu mövzuda "Bild"ə açıqlama verib. O, vurduğu qoldan bəhs etməklə yanaşı, "Nürnberq"in hədəflərindən danışıb:
"Uzun fasilədən sonra start heyətində meydana çıxdım və qol vurdum. Bunun mənim üçün özəl mənası var. Komanda yoldaşlarıma yardım etməkdən zövq alıram. "Kayzerslautern"in çətin rəqib olduğunu, matçın ağır keçəcəyini bilirdik. Həm texniki, həm də psixoloji baxımdan oyuna yaxşı hazırlaşmışdıq. Ümid edirəm ki, qələbə növbəti oyunlar üçün bizə güvən verəcək. Zehnimiz oyuna hazırdısa, deməli, məğlub edə bilməyəcəyimiz komanda yoxdu".
Bu arada "Nürnberq" aprelin 19-da 30-cu tur çərçivəsində "Paderborn"u qəbul edəcək. Maraqlıdı ki, komandanın matça hazırlıq məqsədilə bu gün keçirilməli olan məşqi baş məşqçi Miroslav Klozenin səbəbini açıqlamadığı qərarı üzündən təxirə salınıb. Klub məşqi izləməyə gələn 220 azarkeşdən üzr istəyib və onlara "Paderborn"la matç üçün pulsuz biletlər verib.
KƏNAN BAHADIR
Digər xəbərlər
