Qvardiola Gündoğan haqda nə dedi?
İlkay Gündoğan növbəti mövsümə də “Mançester Siti”də başlayacaq. O, klubu ilə yeni müqavilə mövzusunda razılığa gəlib.
"Football-plus.az" xəbər verir ki, bu barədə jurnalistlərə MS-nin baş məşqçisi Xosep Qvardiola məlumat verib. İspaniyalı mütəxəssis İlkayın klubdakı gələcəyi haqda danışarkən, 34 yaşlı yarımmüdafiəçi ilə yeni müqavilə üçün razılığa gəlindiyini təsdiqləyib:
“Gündoğanın klubla daha birillik müqaviləsi var. Yayda nə olacağını bilmirəm, amma indi onun müqaviləsinin müddəti gələn ilin yayına qədərdi”.
Qeyd edək ki, bir müddət əvvəl mətbuatda İlkayın klubu ilə müddəti 2026-cı ilin yayınadək nəzərdə tutulan yeni müqaviləyə razılaşdığı xəbər verilmişdi.
O, premyer-liqanın cari mövsümündə meydana çıxdığı 28 matçda 4 məhsuldar ötürmə edib.
