“Qələbə qazanmağa vaxt çatmadı” - “Karvan”ın məşqçisi
1-ci liqada 21-ci turun mərkəzi oyunu Yevlaxda keçirildi. 2 min azarkeşin gözü önündə “Karvan” “İmişli”nin müqavimətini qıra bilmədi – 1:1.
Hərçənd qonaqların hesabı 7-ci dəqiqədə açdığını, yevlaxlıların isə bərabərlik qolunu 73-cü dəqidədə vurduğunu nəzərə alsaq, kimin kimin müqavimətini qırdığını demək çətindi. “Karvan”ın məşqçisi Kənan Kərimov oyundan sonra “Footbal-plus.az”a açıqlama verib:
“Tam fərqli iki hissə oldu. Məğlub olmaq istəmirdik. Erkən qol planlarımızı pozsa da, oyundan qopmadıq, ikinci hissədə hesabı bərabərləşdirdik. Məncə, qələbə qazanmağa vaxt çatmadı. Azarkeşlərə və futbolçularıma təşəkkürümü bildirirəm. Azarkeşlərin dəstəyinə həmişə ehtiyacımız var. Futbolçular vuruşdular. Öz yerimizi qorumaq vacib idi ki, bunu bacardıq. Bundan sonrakı oyunlara üç xal üçün çıxacağıq. Qələbələr qazanıb mövqeyimizi qorumaq üçün əlimizdən gələni edəcəyik”.
Xatırladaq ki, 21 turdan sonra “Karvan” 39 xalla 2-ci, “İmişli” 38 xalla 3-cü pillədə qərarlaşıb.
MÜZƏFFƏR QULUZADƏ
Digər xəbərlər
