Çempionlar Liqasında 1/8 final mərhələsinin püşkü atılıb.

"Football-plus.az" xəbər verir ki, İsveçrənin Nyon şəhərində keçirilən mərasim Bakı vaxtı ilə saat 15.00-da başlayıb.

Püşkdə qrup mərhələsini ilk iki pillədə başa vuran komandalar iştirak ediblər. Qrup birinciləri səpələnmişlər, ikinci yeri sahibləri səpələnməmişlər səbətində yer alıb. Bu mərhələdə eyni ölkə təmsilçiləri və eyni qrupdan çıxan komandalar rəqib ola bilməyib.

Püşk turnirin son finalçıları - "Real" və "Liverpul"u üz-üzə qoyub.

1/8 finalın ilk oyunları 14-15 və 21-22 fevralda, cavab matçları isə 7-8 və 14-15 martda olacaq.

UEFA Çempionlar Liqası
1/8 final

"Leypsiq" (Almaniya) - "Mançester Siti" (İngiltərə)
"Brügge" (Belçika) - "Benfika" (Portuqaliya)
"Liverpul" (İngiltərə) - "Real" (Madrid, İspaniya)
"Milan" (İtaliya) - "Tottenhem" (İngiltərə)
"Ayntraxt" (Almaniya) - "Napoli" (İtaliya"
"Borussiya" (Dortmund, Almaniya) - "Çelsi" (İngiltərə)
"İnter" (İtaliya) - "Portu" (Portuqaliya)
PSJ (Fransa) - "Bavariya" (Almaniya)