Beynəlxalq Avarçəkmə Federasiyası Avstraliyanın Kvinslend ştatında içərisində timsahlar olan Fitsroy çayını 2032-ci ildə keçiriləcək Yay Olimpiya Oyunları üçün yararsız hesab edib.

"Football-plus.az" xəbər verir ki, Fitsroy çayı daha əvvəl ştat hökuməti tərəfindən Yay Olimpiya və Paralimpiya Oyunları zamanı avarçəkmə yarışlarına evsahibliyi etmək üçün təklif olunub.

Lakin federasiya həmin ərazidə təhlükəsizliyin yetərli olmadığı qənaətinə gəlib. Halbuki Fitsroy çayı son illərdə Avstraliyanın avarçəkmə üzrə olimpiya komandasının məşq məkanı olub. Burada müntəzəm universitetlərarası yarışlar keçirilib.

Xatırladaq ki, 2032-ci ildəki Yay Olimpiya Oyunları Brisben şəhəri və ətraf Cənub-Şərqi Kvinslend bölgəsində keçiriləcək.

Brisben Oyunlara evsahibliyi edəcək üçüncü Avstraliya şəhəri olacaq. Əvvəllər analoji turnir Melburn (1956) və Sidneydə (2000) təşkil edilib.