2036-cı ildə Yay Olimpiya Oyunları Misirdə keçirilə bilər.

Football-plus.az xəbər verir ki, bu ölkə Olimpiada üçün namizədliyini irəli sürəcək. Misir yarışa evsahibliyi edən ilk ərəb və ya Afrika ölkəsi ola bilər. Daha əvvəl Almaniya, Meksika, Türkiyə, Rusiya, Hindistan və Qətər də 2036-cı ildəki Yay Olimpiya Oyunlarını keçirmək istəyini ifadə edib.

Qeyd edək ki, növbəti Olimpiadalar 2024-cü ildə Fransanın paytaxtı Parisdə, 2028-ci ildə ABŞ-ın Los-Anceles, 2032-ci ildə isə Avstraliyanın Brisben şəhərində keçiriləcək.