"İkinci hissəyə istədiyimiz kimi başlamadıq" - Elnur Çodarov
"Şamaxı" Misli premyer-liqasının 28-ci tur matçında "Zirə"nin meydanından məğlub ayrıldı - 0:3.
"Football-plus.az" xəbər verir ki, "şirlər"in məşqçisi Elnur Çodarov oyunsonrası mətbuat konfransında iştirak etdi. Onun matçla bağlı fikirləri:
"Hamını bayram münasibətilə təbrik edirəm. Çempionatın ən sərt komandasına qarşı oynadıq. Nəsə etməyə çalışsaq da, alınmadı. Hücumçumuz Maykl Tuik özünü yaxşı hiss etmədiyindən meydana itkiylə çıxdıq. Birinci hissədə Vladislav Veremeyev zədələndi. Leroy Mikels isə oyuna tam hazır deyildi. Bu üzdən, ikinci hissəyə istədiyimiz kimi başlamadıq. Planlarımız pozuldu. Nəticədə sadə səhvlərə yol verdik və qollar buraxdıq. "Zirə"ni təbrik edirəm."
Qeyd edək ki, "Şamaxı"nın baş məşqçisi Ayxan Abbasov sarı vərəqə limitini doldurduğuna görə cəzalı idi.
KƏNAN BAHADIR
Digər xəbərlər
