Mayk Menyanın yayda klubu dəyişmək ehtimalı hazırkı məqamda 50 faizə bərabərdi.

“Milan”ın qapıçısı artıq gələcəyi ilə bağlı qərarını verib. “TEAMtalk”ın məlumatına görə, “Milan” Çempionlar Liqasına vəsiqə qazanmasa, 29 yaşlı qolkiper bu yay klubdan ayrılacaq. Mayk bu halda müddəti 2026-cı ilin yayına qədər olan müqaviləsini yeniləməyəcək.

İtaliya klubunun rəhbərliyi isə futbolçunu azad agent kimi buraxmaqdansa, onun transferindən gəlir əldə etməyi üstün tutur. Fransalı futbolçu ilə “Çelsi” və “Aston Villa”nın maraqlandığı məlumdu.

Menyan “Milan”da 2021-ci ildən çıxış edir. O, cari mövsümdə klubunda 41 oyuna çıxıb və 47 qol buraxıb.