Jurnalist Mottanın Kənan Yıldıza dediyi şok sözləri açıqladı
Tyaqo Mottanın qısa və uğursuz ''Yuventus'' macərasına aid yeni qalmaqallı faktlar ortaya çıxmaqdadı.
''Football-plus.az'' xəbər verir ki, 42 yaşlı braziliyalı mütəxəssis ötən yay böyük ümidlərlə ''Yuventus''un başına gətirilmişdi. ''Bolonya''nı 60 ildən sonra ilk dəfə Çempionlar Liqasına yüksəltməsi ilə diqqət çəkən Mottanın ''Yuve''ni dirçəldəcəyinə inananlar az deyildi. Amma bu işbirliyi cəmi 9 ay çəkdi və böyük bir fiasko ilə yekunlaşdı.
Çempionlar Liqası və ölkə kubokunda artıq mübarizəni dayandıran ''qoca sinyora'' A seriyasında 4-cü pilləni də əldən verib. Bu arada məlum olub ki, Mottanın futbolçularla münasibətləri heç də qaydasında deyilmiş. Əslində cəmi iki futbolçunun bu məşqçi üçün sosial şəbəkədə vida sözləri yazması onu göstərir ki, klubun paltardəyişmə otağında vəziyyət həqiqətən də ürəkaçan deyilmiş. Yalnız Samuel Mbanqula və Qleyson Bremer Motta ilə sosial şəbəkədə sağollaşmağı lazım bilib. Digər futbolçulardan isə səs çıxmadı.
Maraqlıdı ki, Mottanın problem yaşadığı futbolçulardan biri də türkiyəli ulduz Kənan Yıldız imiş. Bunu italiyalı jurnalist Sandro Sabatini ictimaiyyətə açıqlayıb. O, ''Calcio Selvaggio'' adlı podkastda gündəmə düşəcək açıqlamalar verib:
''Kənan Yıldız son dönəmlərdə Motta tərəfindən sanki buxarlandırılmışdı. İş elə bir nöqtəyə gəlib çıxdı ki, Yıldız Mottanın iyerarxiyasında özünə yer tapa bilmədi. Motta türkiyəlini sevmirdi və zaman ötdükcə bunu biruzə verməyə başladı. Onun tez-tez ehtiyatda qalması da bunun nəticəsi idi. Məşqlərdə də onların sözü tez-tez çəp gəlirdi. Hətta Kənan Mottanın gözündə son dönəmlərdə birdəfəlik silinmişdi. Qulağıma çatan məlumata görə Motta məşqlərdə bir neçə dəfə Kənana ''sən özünü nə zənn edirsən? Sən Messi deyilsən'' deyib. Adını açıqlamaq istəmədiyim daha bir futbolçunun da Mottadan xoşu gəlmirdi. O mənə paltardəyişmə otağında zatən heç kimin Mottanı bəyənmədiyini dedi''.
Digər xəbərlər
