“Çempionluq hədəfim olsaydı, təcrübəli futbolçuları yığardım” – iki oyun, 0:11!
Region Liqasında ilk iki tur geridə qaldı. Mövsümdən əvvəl iddiasını gizlətməyən “İnşaatçı” ilk turda “Record Club”a 0:5, ardından “Şirvanovka”ya 0:6 uduzub.
“Football-plus.az” komandanın baş məşqçisi Adil Mahmudovun ardıcıl iki məğlubiyyətlə bağlı fikrini öyrənib:
“Heyətimiz gənclərdən ibarətdi. Məqsədimiz həmin gənclərə təcrübə qazandırıb, yaxşı klublara yönəltməkdi. Çempionluq hədəfim olsaydı, təcrübəli futbolçuları yığardım. Mənim xeyli titulum var. Futbolçuları milliyə, 1-ci və 2-ci liqaya yönəltmək istəyirəm. Mənim də çempionluğum bundan ibarətdi. Liqada çempion olmaq mənim üçün asandı. Komandanın heyətində təcrübəsiz futbolçular olduğuna görə belə nəticələr qeydə alınır”.
ƏSƏD SEYİDOV
Digər xəbərlər
