MHL-də keçirilən oyunlarla bağlı maraqlı statistik detallar var.

"Football-plus.az" xəbər verir ki, “Edmonton”un forvardı Leon Drayzaytl “Aylenders”lə oyunda iki məhsuldar ötürmə verdi. 29 yaşlı almaniyalı ulduz bununla da cari mövsümdə xal sayını 100-ə çatdırdı – onun hesabında 49 qol, 51 ötürmə var.

Drayzaytldan əvvəl “Kolorado”dan Natan Makkinnon da cari mövsümdə 100 xal toplamışdı.

“Edmonton” karyerasında 6-cı dəfə 100 və daha artıq xal toplayan Drayzaytl bu göstəricidə Yari Kurriyə çatdı və yalnız Konnor Makdevidlə (7) Ueyn Qretskidən (9) geri qalır.

Qretskidən söz düşmüşkən, onun bir rekordu elə bu mövsüm qırıla bilər. “Vaşinqton”un forvardı Aleksandr Oveçkin “San-Xose”nin qapısına yol tapmaqla müntəzəm çempionatda qol sayını 887-yə çatdırdı. 39 yaşlı rusiyalı buna Şimali Amerika liqasında keçirdiyi 1477-ci oyunda nail oldu. Oveçkin Qretskinin məlum rekordunu (894) qırmaq üçün 7, yeniləmək üçün daha 8 qol vurmalıdı. “Vaşinqton”un mövsümün sonuna qədər hələ 15 oyun keçirəcəyini də nəzərə alsaq, rekordun elə bu mövsüm yenilənməsi tam mümkündü.

MHL-də adından ən çox söz etdirən hokkeyçilərdən biri də Sidni Krosbidi. “Nyu-Cersi” ilə oyunda məhsuldar ötürmə verən kanadalı ulduz müntəzəm çempionatda keçirdiyi 1339-cu oyunda xal hesabını 1669-a (615+1054) çatdırdı. Qretski də “Edmonton”un heyətində keçirdiyi 696 oyunda 1669 xal toplamışdı. Qretski ilə Krosbi bu göstəricidə MHL tarixində 4-cü yeri bölüşür. Onları Qordi Hou (“Detroyt”un heyətində 1687 oyunda 1809 xal), Stiv Ayzerman (“Detroyt”, 1514 oyun, 1755 xal) və Mario Lemye (“Pittsburq”, 915 oyunda 1723 xal) qabaqlayır.

15 mart
Karolina – Detroyt 4:2 (0:1, 3:0, 1:1)
Aylenders – Edmonton 1:2 OT (0:0, 0:1, 1:0, 0:1)
Vinnipeq – Dallas 4:1 (2:0, 1:0, 1:1)
Kalqari – Kolorado 2:4 (0:1, 0:1, 2:2)
Anahaym – Neşvill 2:1 (0:0, 1:0, 1:1)
Sietl – Yuta 4:2 (1:1, 1:1, 2:0)
Baffalo – Veqas 4:3 Б (0:1, 1:1, 2:1, 0:0, 1:0)
Pittsburq – Nyu-Cersi 7:3 (2:1, 1:0, 4:2)

16 mart
San-Xose – Vaşinqton 1:5 (0:3, 0:0, 1:2)
Boston – Tampa-Bey 2:6 (1:1, 0:3, 1:2)
Kolambus – Reyncers 0:4 (0:1, 0:1, 0:2)
Monreal – Florida 3:1 (2:0, 0:1, 1:0)
Filadelfiya – Karolina 0:5 (0:2, 0:2, 0:1)
Toronto – Ottava 2:4 (0:0, 2:3, 0:1)
Los-Anceles – Neşvill 1:0 ОТ (0:0, 0:0, 0:0, 1:0)
Minnesota – Sent-Luis 1:5 (0:1, 1:2, 0:2)
Vankuver – Çikaqo 6:2 (2:0, 1:1, 3:1)
Detroyt – Veqas 3:0 (0:0, 1:0, 2:0)
Kolorado – Dallas 4:3 ОТ (1:1, 2:0, 0:2, 1:0)

17 mart
Sent-Luis – Anahaym 7:2 (2:0, 3:1, 2:1)
Reyncers – Edmonton 1:3 (0:1, 1:0, 0:2)
Aylenders – Florida 4:2 (0:0, 0:2, 4:0)
Vankuver – Yuta 1:3 (0:0, 1:1, 0:2)
Sietl – Vinnipeq 2:3 OT (2:1, 0:1, 0:0, 0:1)