Terim Səudiyyə Ərəbistanında mükafat qazandı!
''Football-plus.az'' xəbər verir ki, ünlü türkiyəli mütəxəssis Səudiyyə Ərəbistanı çempionatında mart ayının ən yaxşı məşqçisi seçilib.
''Əl-Şabab'' bu ay keçirdiyi 3 qarşılaşmadan 2 qələbə, 1 heç-heçə ilə ayrılıb. Ər-Riyad təmsilçisi ''Damak''ı 2:0, ''Əl-Oruba''nı 6:0 məğlub edibsə, Kriştiano Ronaldonun komandası ''Əl-Nəssr'' ilə səfərdə 2:2 bərabərə qalıb. Səudiyyə Ərəbistanı çempionatında 6-cı pillədə qərarlaşan ''Əl-Şabab'' indiyə qədər Terimin başçılığı altında 13 rəsmi oyundan 7 qələbə, 2 heç-heçə, 4 məğlubiyyətlə ayrılıb.
Komanda hazırda 5 oyunluq məğlubiyyətsiz seriyaya malikdi. ''Əl-Şabab''ın rəsmi saytında təcrübəli məşqçinin qazandığı mükafat ilə bağlı ''Allah Kərim... Fatih Terim'' paylaşımı diqqət çəkib. ''İmperator'' özü isə bunları deyib:
''Bu mükafat fərdi deyil. Eyni hədəf uğrunda birlikdə mübarizə aparan klubun durmadan çalışmasının nəticəsidi. Birlikdə çalışdığım hər kəsi təbrik edirəm. Fanatlarımıza həsr etdiyim bu mükafat bizi daha uğurlu gələcəyin gözlədiyini göstərir''.
ƏLİ
Digər xəbərlər
