Covani Kenda “Sportinq”i tərk edəcək.

O, Portuqaliyadan İngiltərənin paytaxtına yollanacaq. Yarımmüdafiəçini “Çelsi” transfer edəcək. “The Athletic” qəzeti onun London klubuna 50 milyon avroya başa gələcəyini xəbər verib. Məlumatda 17 yaşlı futbolçunun “Çelsi”yə 2026-cı ilin yayında qoşulacağı da qeyd edilib. Yeniyetmə futbolçunun yeni klubu ilə 7 illik müqavilə bağlayacağı da məlum olub.

Covani bu mövsüm meydana çıxdığı 43 oyunda 2 qol vurub və 8 məhsuldar ötürmə edib.