“Şamaxı” Misli premyer-liqasının 25-ci turunda səfərdə “Səbail”I 2:0 hesabıyla məğlub etdi. “Football-plus.az” xəbər verir ki, oyundan sonra qonaqların baş məşqçisi Ayxan Abbasov mətbuat konfransı keçirib.
- Komandanı və azarkeşləri təbrik edirəm. Səfərdə bizi tək qoymadılar. Çoxdan bu qələbəni haqq edirdik. Önəmli oyun idi. Qışdan sonra “Səbail”, səhv etmirəmsə, yalnız“Qarabağ”a məğlub olmuşdu. İlk dəqiqələrdə istədiyimiz kimi oynaya bilmədik. Daha sonra futbolçular toparlandı. İkinci hissə tam üstünlüyümüz şəraitində keçdi. Böyükhesablı qələbə qazana bilərdik.
- Bu qələbə gələcək oyunlara köklənmək baxımından komamdaya nə dərəcədə təsir edəcək?
- Rəqibimizdən 6 xal “qopardıq”. Qışdan sonra pis oyunumuz olmamışdı. Gələcək üçün böyük motivasiyadı. Xalımızı artırada bilərik.
- İki fərqli hissə izlədik. 2-ci qoldan sonra bəzi epizodları qaçırdız…
- Rəqib yaxşı başladı. Diqqətlə təhlil etsək, “Səbail” evdə yaxşı oynayır. Onların öz oyun üslubu var.
- Statistikaya baxsaq, sonuncu səfər qələbənizi sentyabrın sonlarında qazanmışdız. Bu mövsün “Səbail”lə keçirdiyiniz oyunların heç birində qələbə qazana bilməmişdiz. Bu yükün altından necə çıxdız?
- Bu dediklərinizi hər gün fikirləşirik. Stressli işdi. Bunu fikirləşib, komandaya bürizə verməməliyik. Qarşıda bir dövrə var. Hər şey dəyişə bilər. Bunu fikirləşib, özümüzü stressə salmırıq. Hər an bizim də sonuncu yerə düşmək şansımız var.
- Kapitan sarğısı tez-tez dəyişir. Nəyə əsasən seçirsiz?
- Məlum hadisədən sonra yeni kapitan lazım idi. Səbailə, Arsenə və Leroya güvənmişdik. Leroy da olmadı, Rafaelə şans verdik.
- İkinci hissədə ilk 10 dəqiqədə 4-5 qol imkanını qaçırdız. Narahatlıq oldumu ki, yazılmamış qayda işə düşəcək, qələbəni əldən verəcəksiz?
- Bəli, narahatlıq oldu. Futbolçuların geriyə çəkilməsinə imkan vermədik. Bu qolları vurmaq lazım idi. Qışdan sonra ən çox hücum edən komandalardanıq.
- Mikelsin növbəyi oyunda meydana çıxmaq şansı varmı?
- Onun zədəsi “Sabah”la yoldaşlıq oyununda oldu. "Sabah"la yoldaşlıq görüşündə ilk dəfə zədələnmişdi. "Zirə" və "Neftçi" ilə görüşlərdə ayağında sümük zədəsi yarandı. Müalicə olunur.
ƏSƏD SEYİDOV