1/4 final, cavab oyunu
Qarabağ (Ağdam) – Səbail (Bakı) 3:1 (2:1)
Qarabağ: 99. Mateus Koxalski, 29. Marko Veşoviç (44. Elvin Cəfərquliyev, 72), 81. Kevin Medina, 2. Mateus Silva, 24. Aleksey İsayev, 27. Toral Bayramov, 22. Musa Qurbanlı, 90. Nəriman Axundzadə (9. Kadi Borges, 72), (k) 8. Marko Yankoviç (66. Patrik Andrade, 84), 21. Aleksey Kaşuk (15. Leandro Andrade, 84), 11. Emmanuel Addai (19. Redon Cica, 84).
Ehtiyat oyunçular: 1. Şahrudin Məhəmmədəliyev, 97. Fabian Buntiç , 55. Bədavi Hüseynov, 13. Bəhlul Mustafazadə, 10. Abdullah Zubir, 7. Yassin Benzya.
Baş məşqçi: Qurban Qurbanov.

Səbail: 1. Hüseynəli Quliyev, 74. Yusif Nəbiyev (k), 18. Süleyman Əhmədov, 83. Nihad Quliyev, 19. Samir Abdullayev, 16. Emin Rüstəmov (3. Dmitri Litvin, 69), 5. Gitay Sofir (96. İlkin Muradov, 60), 97. Oruc Məmmədov (14. Suleyman Alluş, 74), 10. David Qomis (22. Mirabdulla Abbasov, 46), 77. Fərid Nəbiyev, 11. Rüfət Abdullazadə (7. Madi Queta, 74).
Ehtiyat oyunçular: 12. Əlirza Müştəbazadə, 25. Nicat Məmmədzadə ,84. Teymur Məmmədov, 88. Hacıəli Şirəliyev, 44. Amir Bilali, 99. İnnosent Nşuti.
Baş məşqçi: Elvin Məmmədov.

Qollar: M.Qurbanlı, 13 (1:0). R.Abdullazadə, 15 (1:1). E.Rüstəmov, 43-öz qapısına. (2:1). N.Axundzadə, 56 (3:1).
Hakimlər: CAVİD CƏLİLOV, Müslüm Əliyev, Eyyub İbrahimov, Kamran Əliyev (hamısı Bakı).
VAR hakimi: Rauf Allahverdiyev (Bakı).
VAR hakiminin köməkçisi: Şirmamed Mamedov (Bakı).
Hakim-inspektor: Vüsal Əliyev (Bakı).
AFFA nümayəndəsi: Elçin Məmmədov (Bakı).
27 fevral. Bakı. Tofiq Bəhramov adına Respublika stadionu. 546 tamaşaçı.
Birinci hissəyə 1, ikinci hissəyə 4 dəqiqə əlavə olunub.

Komandalar arasındakı səviyyə fərqi öz yerində, ilk oyunda qazandığı qələbə də “Qarabağ”ın aşkar favorit olduğunu göstərirdi.

Komandalar ilk dəqiqələrdən əzmkar mübarizəyə girişdi. 4-cü dəqiqədə Samir Abdullayevin zərbəsinə Mateus Silva, qayıdan topa yaxınlaşan Fərid Nəbiyevin zərbəsinə isə Marko Yankoviç blok qoydu. Üç dəqiqə sonra Fərid Nəbiyev uzaqdan bəxtini sınadı. Amma Koxalski yerində idi. 9-cu dəqiqədə Addai “çərçivə”ni nişan alsa da, Hüseynəli Quliyev zərbənin qarşısını aldı. Çox keçmədən ağdamlılar hesabı açdı. 13-cü dəqiqədə Kaşukdan ötürmə alan Musa dəqiq zərbə ilə topu tora qovuşdurdu .

Cəmi 2 dəqiqə sonra qonaqlar hesabı bərabərləşdirdi. Yankoviçdən topu alan Fərid Qomisə ötürmə verdi. David topu Rüfətə çatdırdı, o isə dəqiq zərbə ilə topu qapıdan keçirdi. Qoldan sonra ruhlanan “dənizçilər” hesabda önə keçməyə də yaxın oldu. 25-ci dəqiqədə Rüfətin uzaq küncə zərbəsini Koxalski dəf etdi. 28-ci dəqiqədə Kaşuk – Veşoviç - Musa kombinasiyası zamanı sonuncunun zərbəsinin qarşısını Hüseynəli aldı. 37-ci dəqiqədə isə Nəriman inanılmaz qol şansını qaçırdı. Amma komandalar fasiləyə bərabərlik hesabı ilə yollanmadı. 43-cü dəqiqədə Toral Bayramovun qapı qarşısına ötürməsi zamanı Emin Rüstəmov topu tərs toxunuşla öz qapısından keçirdi. 52-ci dəqiqədə Addai Veşoviçə ötürmə verdi. Markonun qüvvətli zərbəsinin qarşısını Hüseynəli aldı.

Cəmi 1 dəqiqə sonra Musanın zərbəsi az fərqlə qapıdan aralı keçdi. Bununla belə, 55-ci dəqiqədə “köhlən atlar” fərqi artırdı. Nəriman Kaşukla İsayevin qurduğu kombinasiyanı qolla tamamladı. Bundan sonra “dənizçilər”in oyunun axarını dəyişə biləcəyinə inanmaq sadəlövhlük olard. Hər halda, 83-cü dəqiqədə “Səbail” növbəti dəfə “Qarabağ”ın qapısına yol tapmağı bacardı. Quetadan ötürmə alan Yusif Nəbiyev dəqiq zərbə ilə topu tora qovuşdurdu. Amma oyundankənar vəziyyət olduğuna görə qol qeydə alınmadı. Son dəqiqələrdə də qarşılıqlı hücumlar davam etdi. Bununla da iki oyunun cəmində 4:1 hesablı qələbə qazanan “Qarabağ” “Səbail” səddini adlamağı bacardı.

ƏSƏD SEYİDOV