Ölkə kubokunun 1/4 final mərhələsinin cavab oyununda "Zirə" ilə qarşılaşacaq "Araz-Naxçıvan" hazırlığını davam etdirir.

"Football-plus.az" xəbər verir ki, məşqdən əvvəl keçirilən iclas zamanı Xocalı faciəsinin qurbanlarının əziz xatirəsi yad edilib, faciə ilə bağlı futbolçulara məlumat verilib. Zədəli futbolçulardan Bəxtiyar Həsənalızadənin ardınca Ömər Buludov da komanda ilə birgə məşqlərdə iştirak edir.

Qeyd edək ki, bu komandalar arasında keçirilən ilk oyunda "Araz-Naxçıvan" 1:0 hesabı ilə qələbə qazanıb. Cavab oyunu sabah Zirə İdman Kompleksinin stadionunda keçiriləcək.