Fariz Yusifov Əliyar Ağayevə haqq qazandırdı
Misli premyer-liqasının 23-cü turunun “Araz-Naxçıvan” “Turan Tovuz” matçının 47-ci dəqiqəsində qonaqlar azlıqda qaldı.
Paronun geriyə ötürməsi səliqəsiz alındı. Topu ələ keçirmək üçün irəliləyən Aleks Souzanı Ribeyro yerdə qoydu. Referi epizodu “rəqibi aşkar qol imkanından məhrum etmək” kimi qiymətləndirib, İqoru meydandan qovdu. Oyunsonrası mətbuat konfransında Elmar Baxşıyev bu qərara görə hakimi qınadı, həmin epizodun nəinki “qırmızı”, heç sarı vərəqəlik də olmadığını dedi.
Təcrübəli hakimlərdən Fariz Yusifov həmin epizodu belə dəyərləndirdi:
“Əliyar Ağayevin tutduğu mövqe yaxşı idi. “Araz-Naxçıvan”ın futbolçusu birmənalı şəkildə Aleks Souzanı aşkar qol imkanından məhrum edir. Top qapı istiqamətində idi. Futbolçu bir az diqqətli olmalıdı. İqor Ribeyro topa müdaxilə etmək istəyirdi. Amma topdan öncə hücumçunu dayandırdı. Əliyar Ağayev meyarlara uyğun davrandı”.
ƏSƏD SEYİDOV
Digər xəbərlər
