Aleksander İsaka “elçi düşən” klubların sayı getdikcə artır.

“Nyukasl”ın futbolçusu ilə “Barselona” rəhbərliyi də maraqlanır. “AS” qəzetinin məlumatına görə, İspaniya klubunun idman direktoru Deku Souza isveçli hücumçu ilə Robert Levandovskini əvəzləmək istəyir. Lakin bu transferin reallaşması üçün polşalı hücumçu klubu tərk etməlidi. 

Məlumatda “Barselona”nın İsakla 2020-ci ildən maraqlanmağa başladığı da bildirilir bildirilir. Onda 25 yaşlı futbolçu “Real Sosyedad”da çıxış edirdi. Həmin dövrdə kataloniyalıların maliyyə problemləri olduğuna görə transfer reallaşmayıb.

Aleksander bu mövsüm “Nyukasl”ın heyətində 28 matçda meydana çıxaraq 19 qol vurub və 5 məhsuldar ötürmə edib. Onun klubu ilə müqaviləsinin müddəti 2028-ci ilin yayına qədərdi.