“Mahir baş məşqçisi Miroslav Klozenin görmək istədiyi oyunu sərgiləməyə çalışır. Əfsanəvi hücumçu isə ondan narazıdı. Çünki azərbaycanlının daha artığını edə biləcəyinə inanır. Bu mənada mütəxəssisi haqlı saymaq olar. Həqiqətən Emreli istəsə, yetərincə məhsuldar çıxış edə bilir. Təbii ki, bunun üçün müxtəlif funksiyalarını daha da təkmilləşdirməlidi. O, güclü oyun texnikasına malikdi. Həmçinin rəqibin buraxdığı boşluqları tapmaqda effektivdi. Hücumçunun qış “transfer pəncərəsi”ndə “Nürnberq”dən ayrılmamasını yaxşı xəbər kimi dəyərləndirməliyik. Mahir oyun ritmini davam etdirdikcə, hazırlıq səviyyəsi artdıqca topla daha yaxşı davrana biləcək. Onun gələcəkdə çoxlu qol vuracağına şübhə yoxdu. Əbəs deyil ki, Kloze Emreli haqda deyir: “O, yaxşı oğlandı və hələ qazanmalı olduğu uğurlar var. Mahir üçün heç nə bitməyib. Öz yolunu tutacaq”.