“Bilirdik ki, çətin oyun bizi gözləyir. Birinci hissə heç-heçə bitdi. İmişliyə xal və xallar üçün getmişdik. İkinci yarıya da pis başlamadıq. Adi bir səhv üzündən qapımızda qol gördük. Qarşıda oyunlar var. Növbəti oyuna hazırlaşacağıq. Xal ehtiyatmızı artırmağa çalışacağıq. Yağışlı hava şəraitində futbolçular mübarizə aparırdı. Məğlubiyyəti sırf bununla bağlamaq istəmirəm”.

“Mövsümün 2-ci yarısına yaxşı start verməmişik. Hər komandada belə eniş olur. Premyer-liqada 12 komandanın olacağı deyiləndən sonra hər komandanın iştahı artıb. Asan rəqib yoxdu. Qarşıda bizi daha gərgin oyunlar gözləyir. Heyət baxımdan problemlərimiz var. Zədəli və cəzalı futbolçularımız var ki, onların xidmətindən yararlana bilmədik. Futbolçu baxımından kasadlıq çəkirik. Komandanın gücünə güc qatacaq futbolçu yoxdu. Hələ ki axtarışdayıq. Legioner axtarırıq. İstədiyimiz kimi futbolçu olsa, sıralarımıza qatacağıq. İndi yaxşı futbolçu tapmaq çətindi. Büdcəmizə uyğun futbolçu götürməliyik. Premyer-liqa klubu deyilik ki, 10 milyonluq futbolçu gətirək”.

“Yer tutmalısan ki, ora vəsiqə qazanasan. Futbolçularda arxayınlaşma yoxdu. Çempionluq uğrunda mübarizə aparacağıq. 15 tura baxanda 7 xal fərqini “qapatmaq” o qədər də problem deyil. Hazırda 2-ci yerdə qərarlaşırıq. Liderlik üçün mübarizəmizi aparacağıq. Öz yerimizi itirmək də istəmirik”.