Futbol liqalarının qlobal reytinqi açıqlanıb.

"Football-plus.az" xəbər verir ki, siyahıda dünyanın ən güclü 100 çempionatı yer alıb.

Misli premyer-liqası cədvəldə 51-cidir. Çempionatımızın əmsalı 20,564-ə bərabərdi. Premyer-liqa 2024-cü ilin iyulundakı cədvəllə müqayisədə 8 pillə geriləyib.

Siyahıya İngiltərə premyer-liqası başçılıq edir – 1342,659 xal. İspaniya La Liqası 907,614, İtaliya A seriyası 900,564, Almaniya Bundesliqası 776,588, Fransa Liqa1-i 596,086 xalla “beşlik”dədi. Türkiyə Super Liqası isə 178,403 xalla 10-cu sıradadı.

Qeyd edək ki, cədvəldə təkcə yüksək deyil, aşağı liqalar da nəzərə alınıb. İngiltərə Çempionşipi 174,889 xalla ümumi siyahıda 11-ci yerdədi.