Region Liqası nə vaxt başlayır? Fevralın 16-da, yoxsa 20-də?
AFFA Region Liqasının 2024/25 mövsümü hələ də başlamayıb.
Əvvəlcə komandaların qeydiyyat müddəti oktyabrın 1-dək uzadıldı. Daha sonra, yəni noyabrın sonunda AFFA Region Liqasının yeni mövsümü üçün qeydiyyatın başa çatdığını və çempionatın dekabrın ilk yarısında başlayacağını elan etdi. Lakin sonradan liqanın startı fevralın 2-nə təxirə salındı.
“Football-plus.az”a daxil olan yeni bilgiyə görə, yeni mövsüm ya fevralın 16-da, ya da 20-də start götürəcək. Region Liqasında mübarizəyə qoşulacaq “Xankəndi”nin baş məşqçisi İbrahim Uzunca ilə bu məqamı dəqiqləşdirmək istədik:
“Hələlik bir yenilik yoxdu. Ümumiyyətlə, məşqlərə və yoldaşlıq oyunlarına davam edirik. Hazırda uşaqları daha yaxşı tanımağa çalışırıq. Göründüyü kimi, vaxt uzanır. Mövsümün nə vaxt başlayacağı ilə bağlı da məlumatımız yoxdu”.
ƏSƏD SEYİDOV
